小試牛刀

好耐無打過blog了！！！之前真係太忙，完全無時間寫，而家想趁呢個時間同大家講聲聖誕快樂！ 呢排經過文化中心，見到有一個好得意嘅設置，咁行到入去，原來係24小時自助圖書站。 文化中心外的自助借書站 咁愛書嘅我就當然好想睇下呢個圖書站同其他圖書館有咩分別啦！ 其實就真係無咩特別 😂😂😂 咁簡單講下啦，其實呢個借書站主要提供4個服務 1. 借書 2. 還書 3. 拎書(領取預約書籍) 4. 繳交罰款 其實呢個自助服務站係康文署2017-18年度推行嘅試驗計劃 咁由於呢個係試驗計劃，暫時只係喺  港島東體育館休憩處、香港文化中心同港鐵大圍站(暫時呢個moment 仲未開放比公眾) 呢 3個地方設置左自助圖書站。 坦白講，筆者認為成個計劃最有用嘅地方其實係領取預約書籍。 咁首先講下 (2) 還書 同 (4) 繳交罰款 其實點解無咩用  (2) 還書 講真 其實還書好易。好多打工仔如果想還書 就算圖書館關左，佢地都可以放D 書去圖書館出面D 還書箱。 而香港公共圖書館亦都已經喺中環、九龍塘同南昌 3個超級轉車站設置左唔同嘅還書箱！ 詳情可以睇呢度 : https://www.hkpl.gov.hk/tc/about-us/services/mtr-bookdrop.html 咁如果係咁，除非係住喺 自助服務站 附近嘅人，如果唔係點解要突登 用還書 服務呢？ (4)  繳交罰款 咁呢個其實都好簡單。如果你真係要交罰款，首先你去圖書館借書果時，你都可以直接去counter 交。另外，其實而家圖書館可以用網上繳款形式還罰款(只要你有visa/master 信用卡)   詳情見： https://www.hkpl.gov.hk/tc/about-us/services/online-payment.html 所以呢個服務都係可有可無。 (1) 借書 至於借書，原本我都以為好似幾正，點知睇番 自助圖書站嘅簡介先知 原來個自助借書站只係有大約300 本書可以借，其實都幾廢！ 除非讀者真係search 到本書喺度係有先會過黎借，如果唔係應該得好少人用黎借書 ...

深圳一日遊之我感 1. 深圳書城真係好大，D書又平，美中不足嘅係D書多數都係簡體字 2. 深圳D學生真係好勤力 3. 其實我好驚食驢肉 4. 本來想去錦繡中華，但因為時間關係，最後去左荷蘭花卉小鎮 但其實個景好靚 5. 東門步行街（老街站） 有好多野食 6. 有好多人排呢間，$12蚊一隻雞翅包飯，食完覺得幾辣，鐘意辣嘅可以試下 7. 嚟東門老大街，小心乞錢黨！你一拎銀包出嚟比錢，佢就會煩住你，chur 你成分鐘 最好嘅方法就係行開，或者唔理佢。 8. 大伏中嘅大伏，如果嚟深圳，真係唔好食呢間 - 鑫隆江 80蚊人仔 得 4 隻蝦，4隻蟹同4隻瀨尿蝦 裹面都無咩肉，只係一味靠辣 辣到我流鼻血兼生粒粒 仲有根本比D野唔足料 話$80 1 斤，根本就唔夠稱 80 蚊人仔 喺泰國應該食到唔只呢D野了 總結，深圳D野都算平，但如果上深圳，最好搵埋朋友一齊上，有個照應！

因為最近返緊intern，所以post 會好不定期咁出🙇 上期講完信用卡同提款卡，有唔少朋友同我講篇blog寫得太長 所以呢次會寫短D 信用卡，提款卡未必個個都有，但今期講嘅身份證，相信每一個香港人都會有😂 有身份證嘅作用係咩呢，驚比警察查身份證？見工用？入境果時用？仲有好多，好多... 但今日就唔同大家講身份證嘅用途，反而想講下身份證入面嘅唔同地方、唔同數字／英文字母代表D咩😇 下面係一張 智能身份證，我喺旁邊加左唔同嘅字母，大家知唔知果一堆雜亂無章嘅數字／英文字母代表D咩呢 取自入境處網頁 - http://www.immd.gov.hk/hkt/services/hkid/smartid.html 比3 秒鐘大家諗下 3 2 1 😉 好啦，開估！ A. 中文電碼 講左 A 先。從上面嘅例子中，有3組4位數字 - 2621 2535 5174 呢三組數字並唔係無意義，佢有個名 - 中文電碼 中文電碼係用嚟表示你嘅名 例如上面身份證主角 "李智能" 咁2621就 代表 "李"，2535就 代表 "智"，5174就 代表 "能" 咁中文電碼相傳係清朝政府喺 1880 年搵左個 丹麥人設計，咁數字由0001到9999 加埋可以表示10,000 個唔同嘅漢字。詳情大家可以自己google  同 可以上以下網站 http://chinesecommercialcode.net/ 試下convert 個名同數字 咁有人會問 - 到底呢組數字有咩用，差佬查身份證都唔會用到啦。 其實如果大家有留意，有唔少職位申請表，入學申請表都有中文電碼一欄要你填中文電碼： 咁其實中文電碼喺第一代身份證已經有，當時D政府文員又未必識打中文字/打字慢，咁政府D電腦系統裹面有得輸入中文電碼，咁當時就可以比D唔識打中文字嘅朋友靠入電碼拎到個中文名啦 而家政府都要求文書助理／助理文書主任要識打中文同打得快，而保留呢個電碼嘅原因，好大機會係用嚟核對資料。大家都知小編我寫字有幾核突，如果中文名寫到好樣衰，都仲可以靠電碼核實到個名，嚟番個雙重保險。 PS 大家見到政府申請表上 中文電碼果欄 有6個位，就知其實政府／入境處規定左 香港身...

咁上回就講到提款卡嘅冷知識，唔知大家睇左未呢？如果未睇，可以去番呢個網頁睇番： http://slishing.blogspot.com/2017/05/blog-post.html 咁今日最主要講嘅就係信用卡。但係喺講之前，有D關於提款卡嘅資料要補充番！ 提款卡補充資料 原來 提款機 ，無錯係講緊部機，除左「銀聯」 亦都有 VISA/Plus同 Mastercard/Cirrus 嘅網絡！ 咁補充番 多數 提款卡 九成都有「銀聯」 logo。 無銀聯logo 果D 我諗多數係「信用卡」 我手頭上有張 wewa 卡（一張由安信出嘅信用卡），就完美示範點樣又無EPS logo／功能，又無「銀聯」功能，只有Visa/Plus logo 咁如果張卡咁好彩又無銀聯，又無銀通，只有VISA/Plus，但又要去人地 D ATM機撳錢，say 去中銀機撳錢，咁就要比手續費 $25 尋日有一樣資料我係講錯左嘅，就係如果你張卡係HSBC／恆生 而且有銀聯logo 去 「銀聯」果度撳錢，手續費唔係比＄20， 而係比$15 。 P.S : 有樣野尋日講得唔太清楚，就係 其實EPS 撳錢/比錢，佢嘅password 同你去銀行ATM 機撳錢嘅password 係一樣的 😌 信用卡 好啦，講完提款卡，而家講番信用卡先。身為一個大學生，其實大家可能最少都有一張信用卡。咁信用卡老實講都真係有佢嘅好處，交學費賺積分，有D網上交易（如訂機票）需要credit card，去某D地方食野／買野 有某張信用卡會有折扣優惠，仲有好多數不盡嘅好處。咁大家成日聽到Visa, Master, AE卡... 呢D其實係一D發卡嘅組織，佢地多數唔會負責發卡，而係負責搵更多唔同嘅店鋪結盟。而發卡就會「外判」比一D銀行。例如Visa 呢個組織喺香港唔會負責發卡，而係會比唔同嘅金融機構，例如中銀，匯豐，even 安信 發行信用卡 但係大家都有可能遇到以下幾個問題： 1. 點樣申請到信用卡 （學生無收入，洗唔洗年費） 2. 信用卡limit 唔夠大點算好？ 3. 點找卡數（如果有 中銀account，但信用卡係恆生）？ 4. 咩係 paywave/ apple pay 5. 點用信用卡撳錢（不過筆者極度十分唔建議咁做） 1. 點樣申...