提款卡，信用卡 冷知識 (上）

作為一個comp 人，平時可能成日要dup code，對於提款卡同信用卡嘅使用，可能根本無咩留意。咁筆者中學果時有讀過下商科，對於呢類野都叫略有研究。以下有幾個提款卡，信用卡冷知識，你地又識幾多呢？

提款卡篇

1. 平時大家用開邊張提款卡呢？中銀？恆生？定匯豐？有無試過人有三急想撳錢，但搵唔到同自己相同銀行嘅提款機，又或者搵到但又見到D人太多大排長龍？ 其實，如果你平時見到提款機，你好有可能見到幾個圖案:

圖片取自：http://the-sun.on.cc/cnt/news/20120506/photo/0506-00407-020b1.jpg

其實D圖案就唔止咁少嘅，但係個重點係「銀通」(Jetco) 同「銀聯」（UnionPay）果到。
其實，想同大家講大部份 (什至接近全部）嘅提款卡都有「銀聯」標誌，不論恆生、中銀定渣打。而大部份銀行嘅櫃員機，其實都support 「銀聯」。咁只要你塞張提款卡入個卡機，咁基本上就可以撳到錢。

圖片取自：http://en.unionpay.com/cupimg/2011-05/62180178.jpg

咁但係問題嚟啦，如果係咁，咁我用中銀張卡撳錢，我都可以去恆生、東亞、渣打、匯豐。。。 撳錢啦，點解咁多人仲要選擇自己間銀行撳錢呢？

咁呢到其實就衍生左3大問題

i.  手續費

ii. 撳錢金額

iii. 其他增值服務 （e.g 轉帳，入錢)

i.  手續費

咁講番第一個問題先，雖則話大部份提款卡 因為「銀聯」呢個功能 可以去其他銀行撳錢，之但係如果無「銀通」logo ，(即係有銀聯無銀通嘅提款機/提款卡)，咁你就會比人charge 你$20 手續費。咁以筆者所知呢 除左HSBC（匯豐） 同 恆生銀行之外， 其他大部份銀行嘅提款卡同提款機 都有「銀通」標誌，即係話其實你如果張提款卡係有「銀通」logo 去番有 「銀通」logo 嘅提款機撳錢，基本上就唔會收你手續費。

但如果HSBC 同恆生呢？呢兩間銀行比較特別。因為佢地無用到「銀通」系統（即係你去到HSBC 同恆生係唔會見到銀通logo），而佢地係用左「易通財」系統，咁呢 呢個系統只係比HSBC 同恆生 兩間銀行互通而又免手續費，即係你如果恆生卡去匯豐撳錢，係唔收手續費嘅！但如果恆生卡 唔係去番HSBC／恆生 撳錢，而係去其他銀行，如中銀撳錢，你就要比人收手續費＄20。

(簡而言之，中銀卡（有銀通logo嘅卡） 去 (匯豐／恆生）提款機 撳錢，會收手續費！

中銀卡（有銀通logo嘅卡）去 其他有銀通logo嘅提款機 撳錢，就唔收手續費！
反之亦然！）

Details can refer to :
http://hk.apple.nextmedia.com/realtime/finance/20170327/56484282

銀通標誌
圖片取自：https://www.hkbea.com.mo/images/mo/tc/jetco.jpg

ii. 撳錢金額

咁既然有「銀通」系統，一張中銀卡就可以周圍撳錢（HSBC/恆生除外，因會比人收手續費）咁正，點解仲係有D人選擇去番自己間銀行撳錢呢？就咁嘅，呢到又有兩個問題- (a) 自己銀行可以選擇撳幾多錢（以$100 為倍數） 同 （b) 唔係自己銀行，但有銀通，每次最高提款上限只係6,000。

咁講番（a）先，雖然有「銀通」，可以去人地度撳錢，但如果去人地度撳錢，你其實係有個限制，無記錯係$300。即係你去人地度撳錢，你要撳最少$300 （可以再撳多D，但$300 之後以$100 為倍數，即你可以撳 $400, $500, $600 , whatever）。咁有D人銀行戶口可能剩番百幾二百蚊。咁可以點做？咪唯有番去自己間銀行撳錢lor。

咁（b) 呢，就咁嘅，你如果自己想撳$6,000 以上，你就會簡去番自己嘅銀行，因為其他嘅「銀通」櫃員機只 接受其他卡 （非自己銀行嘅卡）每次最多提款$6,000。咁如果想再拎錢呢？無他嘅，再排過隊撳lor。

iii. 其他增值服務 （e.g ATM轉帳，ATM入錢)

HSBC 同恆生銀行 嘅ATM 轉帳 (e.g. HSBC -> 恆生/恆生 -> HSBC) 係 唔有手續費，兼且係轉到帳嘅。但係，如果要存錢，就必須去番所屬分行嘅櫃員機入，如果唔係 係無可能入到！

咁但係「銀通」呢？銀通基本上轉帳係必收手續費嘅！ 例如中銀 轉帳比 東亞 （兩個都係 銀通） 但係，你如果ATM 過數，都係會被收手續費的。而存款呢，同HSBC/恆生 一樣，存錢一定要去番自己間銀行，無可能去東亞銀行入錢比中銀卡！技術上暫時唔可行。。。

所以，可以睇到，如果你想入錢，轉帳，你都仲係要去番自己銀行ATM機。。。
當然，如果淨係撳錢，又見到自己銀行嘅ATM機咁多人，而人地銀行 （都係有銀通logo）無咩人排，梗係去人地度撳啦😂

註: 原本呢中銀集團，有中國銀行（香港），集友銀行，南洋商業銀行，咁佢地因為係中銀集團，所以原本都可以唔洗錢過數兼存款。之但係，兩間銀行分別喺16年5月30  同  17年3月27 開始，脫離左中銀，即係如果而家要過數，都係要比手續費）

詳情可以參考: http://hk.apple.nextmedia.com/realtime/finance/20170103/56126384

2. 咁其實即使唔去銀行櫃員機撳錢，仲有其他方法撳嘅。你有無留意過其實提款卡背後係有EPS 個字樣/圖案？ 呢張相係筆者幾張提款卡嘅背面：

其實就咁，你地都見到，喺d 提款卡後面，有EPS 嘅圖案。EPS 其實好有用，好多銷售點除左可以用EPS比錢，更加可以用EPS （即係提款卡） 撳錢，呢個plan 其實叫做「EPS 提款易」(EPS EasyCash)。 咁喺EPS 個官網唔難發現，EPS support 撳錢嘅銷售點，其實都好多元化：百佳，惠康，7仔，OK 。。。

真係名副其實對街轉角就有間7仔（有得用EPS）。咁個procedure 其實都好簡單，你去買野果時，同個收銀講，想順便撳埋錢，咁就可以嫁啦。不過咁，個金額最少每次 $100，最多每次$500 （廢時比人撳到無晒錢，間鋪做唔到生意😂）
咁你大可放心，用得呢個服務，其實都係免費嘅😊

用到EPS 撳到錢嘅地方

EPS 服務流程

詳情可以browse : https://www.eps.com.hk/chi/cust_easycash.asp 以了解更多

3. 唔同銀行提款機，每日最高提款上限其實好唔同，根據我呢一刻嘅資料，

唔同銀行每日最高提款上限：

中銀: $10,000

匯豐: $20,000

渣打: $20,000

東亞: $20,000

DBS: $20,000

恆生: $20,000

創興 $10,000

呢到係講緊一般嘅普通用戶，佢地每日最高上限。咁當然啦，如果你想撳多D錢出嚟，一係等到午夜12 點再撳過，一係等分行開門去拎。

# 東亞銀行有個無提款卡都可以撳到錢嘅玩法（好似暫時係唯一一間香港嘅銀行有呢種玩法），有興趣可以睇睇以下網址：

https://www.hkbea.com/html/tc/bea-personal-banking-cyberbanking-01.html
https://www.hkbea.com/pdf/tc/catmw_demo_tc.pdf

4. 有D銀行(例如東亞)，佢D戶口係 如果你一年裹面無任何嘅交易記錄，例如撳錢，入錢，轉帳，etc... 你個acct係會比人凍結，你到時咩服務都用唔到，講緊嘅係網上轉帳，ATM撳錢。而你係需要親自去銀行解封，可能加D錢 or 拎D錢出嚟，令到個戶口有D活動，你先用得番。

上面篇野都寫左3個鐘，太攰。。。聽日再寫信用卡 😹

信用卡 （聽日再講）

5. 信用卡limit 唔夠大點算好？

6. PPS 還卡數即係咩？

7. 信用卡發展到張卡可以自製樣 😱

8. Paywave 係咩嚟

BTW，其實，出街果時唔好掛住撳電話，多D留意身邊嘅事物，研究下櫃員機上面D 圖案，佢嘅用途同玩法，你就會覺得，呢種係一種樂趣。 :D